Metronun gediş haqqı məsələsi gündəmdədir
Bakı metrosu artıq bir ilə yaxındır ki, faəliyyətini dayandırıb.
Olaylar.az xəbər verir ki, metrodan rəsmi açıqlamaya görə, ötən il 228 milyon sərnişinə xidmət göstərilməli idi. Amma insanlarımızın sağlamlığı, təhlükəsizliyi naminə görülən tədbirlər siyahısına metroda sərnişindaşıma prosesinin dayandırılması da daxil edilib. İl ərzində yeraltı nəqliyyatla 74 milyon 709 min 237 sərnişin daşınıb.
Bununla da, 2020-ci il planına əsasən, Bakı metrosunun qazancı 68 400 000 AZN olmalı idi. Lakin nəzərdə tutulandan 45 987 229 AZN-dən az, 22 412 771 AZN qazanıb. Bu il də metro qazanc əldə etməyib.
Rəsmi açıqlamada həmçinin bildirilir ki, Bakı metrosu adi rejimdə fəaliyyət göstərir. Yəni işçilərin məvacibi qrafikə uyğun verilir və digər fiks xərclər çəkilir. Bu da metro açılandan sonra gediş haqqının artacağı ilə bağlı fikirləri ortaya atır. Elə sosial şəbəkələrdə də bu barədə iddialar yer aılır.
Bəs Bakı Metropoliteni rəhbərliyi tərəfindən gediş haqlarının artırılması ilə bağlı hökumətə müraciət edilibmi?
Qurumun mətbuat xidmətinin rəhbəri Bəxtiyar Məmmədov bildirdi ki, hazırda gediş haqqının artımı ilə bağlı məsələ gündəmdə deyil.
“Bakı Metropolitenində sərnişindaşıma qiymətlərinin artımı ilə bağlı qurum Tarif Şurasına müraciət etməyib”, – deyə Bəxtiyar Məmmədov bildirib.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP