Mişustin müavinlərinə Azərbaycanla bağlı tapşırıq verdi

Rusiyanın baş naziri Mixail Mişustin müavinlərinə Rusiya-Azərbaycan danışıqlarında əldə olunmuş razılaşmaların icrasının gedişatına nəzarət etməyi tapşırıb.

Rusiya KİV-ləri xəbər verir ki, baş nazirin müavinləri ilə görüşündə Mişustin martın 5-6-da Azərbaycana işgüzar səfərinin yekunlarından danışıb. Bildirib ki, tərəflər müştərək layihələr üzərində işin intensivləşdirilməsi və qarşılıqlı investisiyaların cəlb edilməsi üçün ən əlverişli şəraitin yaradılması barədə razılığa gəliblər. Danışıqlar zamanı Azərbaycan ərazisindən keçən Şimal-Cənub beynəlxalq nəqliyyat dəhlizinin inkişafına xüsusi diqqət yetirilib.

Nəzarət etdiyiniz ərazilərdə azərbaycanlı həmkarlarımızla əldə olunmuş razılaşmaların necə icra olunduğunu diqqətlə izləyin”, – deyə hökumət başçısı baş nazirin müavinlərinə tapşırıq verib.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP