Məhəbbət Dəmirçiyevanın biabırçı çıxışı – VİDEO

Bakı Dövlət Universitetinin kafedra müdirinin böyük bir konfransdakı biabırçı çıxışı tənqidlərə səbəb olub. Professor Məhəbbət Dəmirçiyeva Rusiyada mediasiya üzrə konfransda mövzu ətrafında danışmaq əvəzinə, tamamilə dəxli olmayan çıxışı ilə gündəmə gəlib. Əvvəlcə özü haqda məlumat verən M.Dəmirçiyeva, sonra qısa olaraq Azərbaycanda mediasiya instututunun olmadığını bildirib.

M.Dəmirçiyevanın  çıxışı boşanmalardan, ailə-uşaq münasibətlərindən, əcnəbi vətəndaşların Azərbaycan internatlarından uşaq himayəyə götürməsindən, yaşlı insanların qocalar evlərinə verilməsindən ibarət olub.

Çıxışında namizədlik və doktorluq dissertasiyasını Moskva şəhərində müdafiə etdiyini desə də, universitetin saytında onun Tbilisidə müdafiə etdiyi qeyd edilib. Konfransda Azərbaycanda mediasiyanın məlum olmadığını səsləndirib.  Lakin bir professor kimi bilməliydi ki, prezidentin 2016-cı ildə təsdiq etdiyi “Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi” var.  Bununla da prezidentin təsdiq etdiyi sənədin üstündən xətt çəkərək, onun varlığını şübhə altında qoyub.