Araşdırmalar aparıldığı müddətdə Nəhayət Əliyeva vəzifəsindən kənar qalacaq.
Bakının Nəsimi rayonunda yerləşən 1 saylı körpələr evi ətrafında yaranan qalmaqaldan sonra müsəssisədə Səhiyyə Nazirliyi tərəfindən araşdırma başlanılıb.
Bu barədə qurumun mətbuat xidmətinin məsləhətçisi Səfayə Əhmədova məlumat verib.
O bildirib ki, körpələr evi ətrafında yaranan qalmaqallı hadisədən sonra müəssisədə araşdırma başlanılıb: “Məlumdur ki, araşdırma zamanı müəssisədə baş həkim araşdırma prosesində iştirak etməməlidr. Onu müvəqqəti olaraq müavini əvəz etməldir. Araşdırmalar aparıldığı müddətdə Nəhayət Əliyeva vəzifəsindən kənar qalacaq”.
Qeyd edək ki, bir qədər əvvəl müğənni Rəqsanənin qızı Aysun 1 saylı körpələr evindən qidaların oğurlandığı iddiası ilə çəkdiyi görüntüləri sosial şəbəkədə yaymışdı. Videoda körpələr evinin işçilərinin valideyin himayəsindən məhrum olan uşaqların qaldığı binanın girişindən böyük ağ torbalarla Prado markalı maşına daşındığı əks olunurdu.
