34 saylı Xətai II seçki dairəsinin seçki məntəqələrində ilk saatlardan seçici aktivliyi müşahidə olunur
Aprelin 11-də 34 saylı Xətai ikinci seçki dairəsində seçicilərin səsverməsi üçün məntəqələr tam tərkibdə və vaxtında fəaliyyətə başlayıb. Bu barədə 34 saylı Xətai ikinci seçki dairəsinin dairə seçki komissiyasının katibi Teymur Quliyev məlumat verib.
O bildirib ki, 34 saylı Xətai ikinci seçki dairəsində 36 məntəqə fəaliyyət göstərir. Ümumilikdə, dairə üzrə 43 min 427 nəfər seçici qeydiyyatdan keçib. Ən yaşlı seçicinin 104 yaşı var. 10 məntəqədə veb-kameralar quraşdırılıb.
T.Quliyev qeyd edib ki, seçici sayının ən çox olduğu məntəqə 14 saylı məntəqədir. AZƏRTAC