Səudiyyə kralının qızı həbs ediləcək – FOTO
Səudiyyə Ərəbistanı kralı Salman bin Əbdüləziz Al Səudun qızı barədə həbs qərarı verilib.
Kralın qızı Hassa Parisdə yaşadığı lüks evində santexnik işlərini görən fəhləni döydürüb.
İddiaya görə, santexnik kral qızının yataq otağının şəklini çəkərkən onun qəzəbinə düçar olub. Hassa mühafizəçilərinə onun döyülməsi əmrini verib.
Məlum hadisədən polisə şikayət edilib. Polis mühafizəçiləri soğru-sual etdikdən sonra sərbəst buraxıb, Hassanın barəsində isə həbs qərarı çıxarılıb.
“Parisien” qəzetinin yazdığına görə, diplomatik mənbələrdən bildirilib ki, insidentin baş verdiyi ərəfədə şahzadə Məhəmməd bin Salmanın aprel ayında Fransaya səfər edəcəyi xəbəri yayılıb.
