ABŞ-ın Vaşinqton ştatında sürət qatarının körpüdə relsdən çıxması ilə əlaqədar fövqəladə vəziyyət rejimi elan edilib.

Bu barədə Vaşinqton ştatının qubernatoru Cey İnsli bildirib.

Onun sözlərinə görə, fövqəladə vəziyyət rejimi hadisənin nəticələrinin aradan qaldırılmasına kömək edəcək.

Qeyd edək ki, ABŞ-ın Vaşinqton ştatında sürət qatarı körpüdə relsdən çıxıb. Qatarın relsdən çıxması nəticəsində 6 nəfər həlak olub, 77 nəfər isə xəsarət alıb.

* * *

ABŞ-ın Vaşinqton ştatında, “Amtrak” dəmiryolu şirkətinə məxsus qatarın relsdən çıxması nəticəsində baş vermiş qəza zamanı 100-dən çox insan xəstəxanaya yerləşdirilib.

Bu barədə TASS məlumat yayıb.

Yaralılardan 4-nün vəziyyətinin ağır olduğu bildirilir. Qatar Sietldən Portlend istiqamətində hərəkət edirmiş.

“Associated Press” agentliyinin məlumatında isə qeyd olunur ki, hadisə zamanı azı 6 nəfər ölüb.

23:54

APA  xəbər verir ki, ABŞ-ın Vaşinqton ştatında sərnişin qatarının qəzaya uğraması nəticəsində ölənlərin sayı 6 nəfərə çatıb.

Bundan əvvəl 3 nəfərin öldüyü, 77 nəfərin yaralandığı bildirilirdi.

———-

ABŞ-ın Vaşinqton ştatında sərnişin qatarının qəzaya uğraması nəticəsində azı 3 nəfər ölüb.

APA  xəbər verir ki, 77 nəfər xəstəxanalara yerləşdirilib, onlardan 4-ün vəziyyəti ağır kimi qiymətləndirilir.

Qəzanin Leykvud-Olimpiya şəhərləri arasında baş verdiyi məlum olub. Qatarda 78 sərnişin və 5 ekipaj üzvü olub.

Qəza zamanı vaqonlardan biri körpüdən avtomobil yoluna aşıb. Bir neçə avtomobilə zərər dəysə də, sürücülər arasında ölən və yaralanan olmayıb.

———-

ABŞ-ın Vaşinqton ştatında sərnişin qatarının qəzaya uğraması nəticəsində 77 nəfər xəsarət alıb.

APA-nın xəbərinə görə, bu barədə Reuters agentliyinə tibbi mənbələrdə bildirilib.

———-

21:17

ABŞ-ın Vaşinqton ştatında sürətli sərnişin qatarı relsdən çıxıb.

APA  xəbər verir ki, qatarın Sietl – Portlend marşrutu ilə hərəkət etdiyi bildirilir.

İnsident nəticəsində yaralananların olduğu bildirilsə də, onların sayı barədə hələ ki, məlumat yoxdur.