Azay Quliyev: “Azərbaycana qarşı beynəlxalq qurumlar qərəzli mövqe nümayiş etdirirlər”
“Avropa İttifaqı ilə Azərbaycan arasında münasibətlərin pisləşməsində maraqlı olan beynəlxalq təşkilatlar var”.
“Olaylar” xəbər verir ki, bunu Milli Məclisin bugünkü plenar iclasında çıxış edən Milli Məclisin üzvü Azay Quliyev deyib: “Biz bir müddət öncə Soros Fondunu Azərbaycandan çıxaranda beynəlxalq təşkilatlar bizi ittiham edirdilər. Lakin bizdən başqa Avstriya, Macarıstan və bir sıra digər ölkələr də ictimai-siyasi təşkilatların işinə qarışdığı üçün bu fondu ölkədən çıxardılar. Onlara qarşı isə heç bir ittiham səsləndirilmədi. Vaxtilə Qarabağ müharibəsində insan orqanlarının satışı ilə məşğul olan PİN təşkilatı indi Azərbayycana qarşı təzyiq göstərilməsini tələb edir. Bu onu göstərir ki, Azərbaycana qarşı beynəlxalq qurumlar qərəzli mövqe nümayiş etdirir. Bu gün də eyni prosesi davam etdirirlər”.