Zeynəb Xanlarovadan Rasim Balayevə dəstək

“Ataların bir sözü var, desəm öldürərlər, deməsəm ölləm. Elə bir sənətkar ki, Babəki, Nəsimini yaradıb, Rasim Balayev haqqında danışmaya bilmərəm”.

“Olaylar” xəbər verir ki, bunu Milli Məclisin bu günkü iclasında deputat Zeynəb Xanlarova deyib. Z.Xanlarova Səhiyyə Nazirliyini Rasim Balayevə kömək etməyə çağırıb: “Həkim 2 dərman yazıb, birini ala bilmir. Mən üz tuturam Səhiyyə Nazirliyinə. Buna niyə əncam qılmırlar? Bu adam sənət yolunda canını qoyub. Mən xahiş edirəm, öz adımdan, Rasim Balayev sevənlərin adından Səhiyyə Nazirliyi kömək etsin. Onun aldığı nədir ki, onu da dərmana versin”.

Oqtay Əsədov da cavabında bununla maraqlanacağını deyib.