Tarixçilərin bildirdiyinə görə, bəzi dövləri çıxmaqla islam və müsəlman aləmində siyasi birlik mümkün olmayıb. 1400 il müddət alınmayan müsəlman birliyinin, bu gün mümkünlüyündən danışılır. Əslində vəziyyət necədir və bu birlik nə zaman ola bilər? İslam dünyasının təbiəti birliyə imkan verərmi? Qibləsi eyni, inancları eyni olan insanlar niyə birləşə bilmirlər?
Qərb və Avropa ölkələri güclü bir müsəlman dövlətinin varlığına icazə vermək niyyətində deyil.
Müxtəlif araşdırmalar göstərir ki, təkcə Səudiyyə Ərəbistanında 262 milyard barrel neft ehtiyatı mövcuddur. Bütün dünyada neft ehtiyatlarının 11 faizi İraqın, 9,6 faizi Birləşmiş Ərəb Əmirliklərinin, 9,2 faizi Küveytin, 13 faizi OPEK ölkələrinin, geridə qalanı isə digər ölkələrin payına düşür.
Təbii ehtiyatların bu coğrafiyadakı müsəlmanlara iqtisadi rifah gətirməsi mümkündürmü?
Amerika Enerji nazirliyinin məlumatına görə, Körfəz bölgəsinin neft ixracatı 2020-ci ilə qədər 125 faiz artacaq və bu bölgəyə böyük gəlir gətirəcək.
Geoloji araşdırmalar göstərir ki, dünyada təbii qaz ehtiyatının 40 faizə yaxını Yaxın Şərqin payına düşür.
Qafqaz ölkələri və Orta Asiya zəngin təbii qaz və neft ehtiyatlarına sahibdirlər.
Təkcə Qazaxıstanın neft ehtiyatı 17.6 milyard barrelə bərabərdir.
Türkmənistanın təbii qaz ehtiyatları 98-155 trilyon kubmetr arasındadır və bu ölkə dünyanın ən böyük 4-cü təbii qaz istehsalçısıdır.
Azərbaycan bu gün dünyanın diqqət mərkəzində olan neft ölkəsidir.
Özbəkistan və Qırğızıstan qızıl istehsalı ölkələridir.
Amma onların əhalisinin həyat keyfiyyəti Avropa ölkələrindən çox-çox geridədir.
Başda qərb ölkələri olmaqla dünyanın bir çox dövləti həm müsəlman ölkələrindəki təbii ehtiyatlar nəzarət edir, həm də Somali, Suriya və bu kimi bəzi ölkələrdə milli, dini zəmində münaqişələr yaradaraq müsəlmanlara zülm etməkdə, milyonlarca insanı qətlə yetirməkdə davam edirlər. Digər tərəfdən quraqlıq və yoxsulluğun hakim ölduğu Afrika ölkələrində də vəziyyət dəhşətlidir.
Bu gün dünyanın ən çox silah satan ölkəsi ABŞ-dır və onun illik silah ticarətinin həcmi 67 milyard dollar dəyərindədir. Başqa tərəfdən dünyanın ən böyük silah alıcısı Səudiyyə Ərəbistanıdır. Səudiyyə Ərəbistanının 2012-ci ildə aldığı silahların ümumi həcmi 34 milyard dollar dəyərində qiymətləndirilir. Yəni ABŞ silah sənayesinin istehsal etdiyi silahların 50,2 faizini Səudiyyə Ərəbistanı alıb. Nəticə odur ki, ərəblərin neftdən qazandıqları pullar yenə də ABŞ-a ötürülməkdədir.
Belə çıxır ki, müsəlman ölkələri qərb və Avropanın oyunlarını görmədikcə, islamı olduğu kimi öyrənmədikcə, birlik və bərabərlik içində yaşamadıqca bu vəziyyət davam edəcək. Müsəlmanların, islam mənsublarının bir-birinə yad kimi yaşadığı hər gün bu fəlakətlərin miqyası bir az da artacaq.
MediaZona.az
