Qazaxıstan hökuməti istefaya gedib
Qazaxıstan Prezidenti Kasım-Jomart Tokayev Baş nazir Alixan Smailovun rəhbərlik etdiyi respublika hökumətinin istefasını qəbul edib.
Bu barədə dövlət başçısının mətbuat xidməti məlumat yayıb.
Prezidentin imzaladığı sərəncama əsasən, Baş nazirin vəzifələri müvəqqəti olaraq Roman Sklyara həvalə edilib. Eyni zamanda, Nazirlər Kabinetinin üzvlərinə hökumətin yeni tərkibi təsdiq olunana qədər öz vəzifələrinin icrasını davam etdirmək tapşırılıb.
Roman Sklyar əvvəllər Baş nazirin birinci müavini vəzifəsində çalışıb. Alixan Smailov isə Nazirlər Kabinetinin rəhbəri vəzifəsinə 2022-ci ilin yanvarında təyin edilmişdi.
Qazaxıstan Prezidentinin fevralın 7-də hökumətin geniş iclasını keçirəcəyi, iclasda respublikanın son bir ildə sosial-iqtisadi inkişafının yekunlarının müzakirə olunacağı bildirilir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP