Nərimanov rayonundakı obyektlərdə propan qazı aşkarlandı

“Propan qaz balonları” yanğın-partlayış təhlükəsinə zəmin yaradır.

Ötən gün adının çəkilməsini istəməyən şəhər sakini redaksiyamıza həyəcanlı halda zəng edərək bildirdi ki, Bakı şəhəri, Nərimanov rayonu ərazisində yaşayış binalarının alt mərtəbələrində fəaliyyət göstərən bir sıra iaşə obyektlərində propan qaz balonlarından istifadə olunur.  Həmin şəxs bildirdi ki, rayonun F.Yusifov küçəsi, 43 ünvanda yerləşən “Şəki” kafesi, F.Yusifov küçəsi,  69 ünvanda yerləşən “Qarabağlı bibi” kafesi və F.Yusifov küçəsi 49 ünvanda yerləşən “VİP Club”u kimi fəaliyyət göstərən  obyektlərdə yanğın təhlükəsizliyi tələblərinə əməl olunmur. Obyektlərdə İlkin yanğınsöndürmə vasitələri mövcud deyil, elektrik naqilləri isə, təhlükəsizlik qaydalarının tələblərinə cavab vermir.

Bununla yanaşı, həmin obyektlərdə propan qaz balonlarından istifadə olunması isə, partlayış-yanğın hadisələrinin baş verməsinə, insanların həyat və sağlamlıqlarını ciddi təhlükə qarşısında qoyur. Aidiyyəti qurumlar tərəfindən zəruri tədbirlər görülməlidir.