Rusiya ilə Səudiyyə Ərəbistanı arasında S-400 tipli sistemlərin alınmasına dair anlaşma!

Səudiyyə Ərəbistanının 81 yaşlı Kralının Rusiyaya ilk tarixi səfəri davam edir.Kral 1000 nəfərlik heyətlə Moskvaya gəlib.

Səfərin əlaqələrin inkişafında mühüm əhəmiyyət daşıdığını vurğulayan Rusiya Prezidenti Vladimir Putin, bunun ikitərəfli əməkdaşlığa müsbət təsir edəcəyini bildirib. Görüşdə iki ölkə arasında ticarət sazişinin imzalanması, o cümlədən Putin və Kral Salmanın enerji layihələrini həyata keçirmək üçün 1 milyard dollarlıq investisiya fondu yaratması da gözlənilir.

İmzalanacaq sazişlərin ümumi dəyərinin 3 milyard dollar olacağı bildirilir.

Əl-Ərəbiyyənin yazdığına görə, tərəflər S-400 tipli havadan qorunma sistemlərinin alınması üçün artıq razılığa gəliblər.

Kral Salmanın Rusiyaya səfəri dörd gün davam edəcək.