Afonıyanın ölüm xəbəri təsdiqini tapmadı

Rusiya Aktyorlar Gildiyası sosial şəbəkələrdə aktyor Leonid Kuravlyovun öldüyü haqda xəbərin doğru olmadığını bildirib. Xəbərin yalan olduğunu təşkilatın üzvü Boris Klyuyev təsdiqləyib. 

Xatırldaq ki, əvvəllər də müxtəlif saytlarda Leonid Kuravlyovun öldüyü barədə məlumatlar verilmişdi. Lakin xəbərlər əsassız və həqiqətə uyğun olmayıb.

Qeyd edək ki, aktyor Leonid Kuravlyov 1936-cı il oktyabrın 8-də Moskvada dünyaya gəlib. Ötən il 80 illik yubileyini təntənəli şəkildə qeyd edən aktyorun 81 yaşı var.

İndiyə qədər 250-dən artıq filmlərdə yaddaqalan rollarda çəkilib. Ən yaddaqalanı və onu məşhurlaşdıran 1975-ci ildə çəkilən “Afoniya” filmidir. O zamandan da  aktyor sevənlərinin qəlbində Afoniya kimi qalıb.

mediazona.az