“ABU Petrol” yanğın-partlayış təhlükəsinə zəmin yaradır

Ötən gün adının çəkilməsini istəməyən şəhər sakinı redaksiyamıza həyəcanlı halda zəng edərək bildirdi ki, Bakı şəhəri, Nərimanov rayonu, Koroğlu Rəhimov 65 ünvanında yerləşən Yanacaq Doldurma Məntəqəsində (YDM) təhlükəsizlik tələblərinə əməl olunmadan, alkopon inşaat maneriallarından istifadə olunmaqla əsaslı təmir işləri həyata keçirilir.

Məlumatla bağlı apardığımlz müşahidələr  xəbərin əsassız olmadığını göstərdi. Yanacaq doldurma məntəqəsinin yaxınlığında çoxlu sayda yaşayış və qeyri-yaşayış binaları yerləşir. Bu hal  isə,yanğın-partlayış təhlükəsinə zəmin yaradır.Həmin ərazinin yaxınlığından keçən magistral avtomobil yolu daim avtomobillərin sıx hərəkət etdiyi yoldur və hər hansı bir yanğın hadisəsi baş verərsə, onu lokallaşdırmaq üçün ciddi maneələr törədə bilər.

Xatırladaq ki, 2015-ci il mayın 19-da Bakıda 16 mərtəbəli binada baş verən yanğın faktı da elə bu cür keyfiyyətsiz üzlüklərlə aparılmış fasadlanma işlərinin nəticəsi idi. O zaman yanğın 10-la insanın həyatına son qoymuş, xeyli insan ağır yanıq xəsarətləri almışdı.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP