Fuad Muradovun Türkiyəyə rəsmi səfəri başa çatıb
Diasporla İş üzrə Dövlət Komitəsinin sədri Fuad Muradovun Türkiyəyə rəsmi səfəri yekunlaşıb.
Səfər çərçivəsində Komitə sədrinin iştirak etdiyi tədbirlərdən biri də Antalyada keçirilib. Antalya Azərbaycan Kültür və Dayanışma Dərnəyinin təşkil etdiyi və Azərbaycan Xalq Cümhuriyyətinin 100 illiyinə həsr olunan təddbirdə rəsmi şəxslər, mədəniyyət və incəsənət nümayəndələri iştirak edib.Rəsm sərgisi, milli rəqs və musiqi nümunələri maraqla qarşılanıb.
Qonaqların diqqətini çəkən beynəlxalq sərgidə Azərbaycan Cümhuriyyətinin dəyərli rəssamlarının əsərləri nümayiş olunub.
Daha sonra Komitə sədri Fuad Muradov Antalyadakı Azərbaycan diasporunun təmsilçiləri ilə görüşüb, onları maraqlandıran məsələlərlə dərindən maraqlanıb.