Saakaşvili baş nazir olmaq istəyir
Odessa vilayətinin keçmiş qubernatoru Mixail Saakaşvili bildirib ki, Ukrayna hökumətinə rəhbərlik etməyə hazırdır.
Bu barədə siyasətçi ZIK telekanalının efirində bəyan edib.
“Mən Ukrayna hökuməti üzrə məsuliyyəti öz üzərimə götürməyə hazıram”, – Saakaşvilid eyib. O həmçinin qeyd edib ki, heç vaxt ölkə prezidentliyinə namizədliyini irəli sürməyəcək.
Saakaşvili hesab edir ki, ölkəni əslən ukraynalı olan, burada dünyaya gələn və böyüyən şəxs idarə etməlidir.
Saakaşvili həmçinin əlavə edib ki, Odessa vilayətinin qubernatoru vəzifəsində işləyəndə dəfələrlə Petro Poroşenkodan ölkənin baş naziri olmaq barədə təklif alıb, lakin hər dəfə imtina edib.