YUNESKO yeni baş direktor seçir
Bu gün Parisdə YUNESKO-nun İcraiyyə Şurasının (İŞ) 202-ci sessiyası çərçivəsində təşkilatın yeni baş direktoru vəzifəsinə səsvermə keçiriləcək. Gizli səsvermənin ilk turu bu gün baş tutacaq.
Namizədlər arasında Azərbaycannın Rusiyadakı səfiri Polad Bülbüloğlu da var.
Namizədlər İŞ-nin tələb olunan ən azı 58 üzvünün səsini qazana bilməsə, səsvermə həftə ərzində növbəti dörd mərhələ ilə davam edəcək.
Qalibin oktyabrın 13-dən gec olmayaraq açıqlanacağı gözlənilir.
İŞ təyin olunan namizədi 10 noyabrda təsdiq ediləcək.
Yeni baş direktor səlahiyyətlərinin icrasına noyabrın 15-də başlayacaq. O, iki dördillik müddətdə YUNESKO-ya rəhbərlik etmiş bolqarıstanlı İrina Bokovanı əvəzləyəcək.