“Tabaterra” qanvermə aksiyasına qatıldı – FOTOLAR
“Tabaterra” QSC- nin rəhbərliyi və əməkdaşları Azərbaycan Respublikasının Birinci vitse-prezidenti Mehriban Əliyevanın talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının yaradılmasına dəstək çağırışına qoşularaq qanvermə aksiyasında iştirak ediblər. Aksiya Heydər Əliyev Fondunun “Talassemiyasız həyat naminə” proqramı çərçivəsində həyata keçirilib.
Müəssisənin İctimaiyyətlə əlaqələr şöbəsinin müdiri Bəxtiyar Səlimov bildirib ki, müəssisənin kollektivi irsi qan xəstəliklərindən, xüsusilə də talassemiyadan əziyyət çəkən uşaqlara dəstək olmaq və onlar üçün tədarük olunan qan ehtiyatını artırmaq məqsədilə Heydər Əliyev Fondunun “Talassemiyasız həyat naminə” proqramı çərçivəsində qan veriblər: “Bu gün ki, aksiyada 100 nəfərə yaxın əməkdaşımız iştirak edib”.
Həkim hematoloqlar tərəfindən hər bir donorun sağlamlıq durumu əvvəlcədən müəyyən olunub və hərtərəfli tibbi müayinədən sonra onlardan qan götürülüb. Götürülən qan ehtiyatı yoxlanılaraq talassemiya, hemofiliya, eləcə də leykoz xəstəliyindən əziyyət çəkən uşaqlar üçün istifadə olunacaq. Qeyd edək ki, qanvermə aksiyası hazırda qüvvədə olan karantin şərtlərinin bütün tələblərinə əməl edilərək həyata keçirilib.
Maraqlı xəbərləri Mediazona.az Facebook səhifəmizdən izləyin.