Rusiya casus böhranında aktivlik nümayiş etdirərək rusiyalı diplomatların ölkədən çıxarılması kimi “cəza tədbirlərinə” qoşulmayacağını bildirən Türkiyəyə mesaj verib.
Rusiya XİN-nin sözçüsü Mariya Zaxarova bir çox ölkənin əksinə olaraq, Türkiyənin fərqli davrandığını bildirərək: “Bu, məsuliyyətli bir davranış idi” ifadəsini işlədib.
Rusiyaya qarşı diplomat böhranına qoşulan ölkələrlə bağlı danışan Zaxarova “Onlar London və Vaşinqtonun təzyiqlərinə böyün əyərək böyük səhvə yol verdilər”,- deyib.
Xatırladaq ki, keçmiş rusiyalı casus Sergey Skripal və qızı Britaniyada zəhərləndikdən sonra rəsmi Moskvaya qarşı sərt tədbirlər görülür. İlk mərhələdə bir çox ölkələr rusiyalı diplamatları “arzuedilməz şəxs” elan edib.
