“Çox məşhur, tanınan idmançı ola bilərdim. Sevdiyim, bacardığım işlə məşğul ola bilərdim. Lakin o hadisə karyeramı alt-üst etdi”. ABŞ-ın Hyuston şəhərindəki (Texas ştatı) “Houston Astros” beysbol klubunun sabiq ulduzu Danri Vaskes belə deyir. O, indi daşınmaz əmlak şirkətində çalışır. Halbuki 26 yaşlı Vaskes dünyanın ən məşhur beysbolçularından biri ola bilərdi.
Venesuelalı D.Vaskes iki il əvvəl, 2016-cı ilin avqust ayında Texasın cənubundakı Korpus-Kristi şəhərində, “Whataburger Field” arenasındakı olayın “baş qəhramanı” idi.
Matçdan əvvəl sevgilisi Fabiana ilə möhkəm mübahisə edən Denri Vaskes qızı sürüyərək tribunalardan çıxarır. O, çıxış yolunda pilləkəndə Fabiananı döyməyə başlayır.
Videomüşahidə kameraları ilə çəkilmiş kadrlar dünən Kristi TV telekanalında yayılıb.
Dünya beysbolunun yeni ulduzu sayılan venesuelalı D.Vaskes autfilder mövqeyində oynayırdı. O, 16 yaşında “Detroit Tigers” klubuna 1,2 milyon dollarlıq maaşla transfer olunmuşdu.
Daha sonra o, “Astros”a keçmişdi. “NBC”
