Bu gün “Qarabağ”ın rəqibləri məlum olacaq

UEFA Çempionlar Liqasının qrup mərhələsinin püşkatma mərasimi Monakoda keçiriləcək. Ağdamın “Qarabağ” klubunun qrup mərhələsindəki rəqibləri məlum olacaq. Xatırladaq ki, “Qarabağ” Çempionlar Liqasına yüksələn ilk Azərbaycan klubudur. Pley-off mərhələsində səfərdə Danimarkanın “Kopenhagen” klubu ilə qarşılaşıb. Oyun 2-1 hesabı ilə, rəqibin xeyrinə başa çatsa da, vurulan top hesabı Qurban Qurbanovun komandasını növbəti mərhələyə adladıb. Çempionlar Liqasının qrup mərhələsinə vəsiqə qazanan komandaların yer alacağı səbətlər bəlli olub. Azərbaycan çempionu APOEL, MOİK və “Sportinq”-lə yanaşı IV səbətdə yer alıb. Püşkatmada 32 komanda 8 qrupa bölünəcək. Qeyd edək ki, qrup turnirində 1-ci və 2-ci yeri tutmuş komandalar növbəti mərhələyə çıxır. 3-cü yerdə qərarlaşan komanda isə UEFA Avropa Liqasının 1/16 final mərhələsinə daxil olur.