Türk ordusu Afrin ətrafındakı əraziləri ələ keçirdi

Türkiyə ordusu tərəfindən “Zeytun budağı” əməliyyatının keçirildiyi Afrində şiddətli döyüşlər gedir.

Hazırda Gülbaba kəndi ətrafında türk ordusu ilə PYD/YPG terrorçuları arasında atışma davam edir.

Türkiyə ordusu bu gün səhər saatlarında Afrinin şimal-qərbindəki Ali Bekki kəndini terrorçulardan təmizləyib. Terrorçuların əksəriyyəti məhv edilib, bir qismi isə tutulub.

Ali Bekki kəndini təmizləyən ordu Gülbaba kəndinə doğru irəliləyir. Kənddə gizlənən terrorçular müqavimət göstərirlər. Hava şəraitinin pis olmasından asılı olmayaraq, əməliyyat davam etdirilir. Türkiyə mediası kənd ətrafında şiddətli döyüşlərin getdiyini yazıb.