Fələstinli tarixçi: “London ingilislərin olmamışdan əvvəl…”
Fələstinli tarixçi London ilə Qüdsü müqayisə edib.
ABŞ-ın Qüdsü İsrailin paytaxtı elan etməsindən sonra bu məsələ dünya siyasətinin əsas müzakirə mövzularından birinə çevrilib. İstər müsəlman, istərsə də xristian aləmindən bu məsələyə qarşı sərt reaksiyalar gəlməkdə davam edir.
A24.Az xəbər verir ki, bu dəfə fələstinli bir tarixçinin mövzu ilə bağlı çıxışı maraqla qarşılanıb.
Belə ki, Salman Əbu-Sitta adlı həmin şəxs London ilə Qüdsü müqayisə edib. O, “Əl-Cəzirə”yə verdiyi açıqlamada Qüdsün Fələstinə məxsus olduğunu bildirib.
“London ingilislərin olmamışdan əvvəl Qüds fələstinlilərin olub. Yüzillərdir ki, buradakı müsəlmanlar və xristianlar sülh şəraitində ibadət edirlər” deyən tarixçi heç bir ölkənin Qüdsü İsrailin paytaxtı etmək ixtiyarına sahib olmadığını vurğulayıb.