“Sabah” “Qarabağ” barədə açıqlama verdi

“Qarabağ” – “Atletiko” oyununda azarkeşlərin hazırladığı plakat dünya mediasının diqqətini cəlb edib.

Azxeber.com xəbər verir ki, bu foto ilə bağlı Türkiyənin ən nüfuzlu qəzetlərindən olan “Sabah” qəzeti “Ezik kareoqrafi” başlığı ilə xəbər yayımlayıb. Xəbərin müəllifi Mevlüt Tezel adlı köşə yazarı olub. Bu yazı ölkəmizdə geniş rezonans doğurub və yazar kəskin tənqid olunub.

Azxeber.com məsələ ilə bağlı sabah.com.tr saytının baş redaktoru İsa Tatlıcan ilə əlaqə saxlayıb. O deyib ki, yazı saytdan silinib: “Bu yazı köşə yazarının şəxsi fikirləri idi və tənqidlərdən sonra saytımızdan silinib”.

O eyni zamanda yazarla bağlı deyib ki, özü geniş açıqlama verəcək: “Biz köşələrə qarışmırıq. Mevlut Tezel özü geniş açıqlama verəcək. Onun yerinə danışmağım düzgün olmaz”