Bərzani ciddi maliyyə problemi ilə üz-üzə
Sentyabrın 25-də referendum keçirən kürd lideri Məsud Bərzani böyük maliyyə problemi ilə qarşılaşıb. Kərkük bölgəsi İraq hökümətinin nəzarətinə keçməsi ilə birgə, neft ixracaatından aylıq gəlirinin azalması 450-460 milyon dollar hesablanır. Referendumdan öncələr, hər ay lideri olduğu bölgədən qazandığı 700-800 milyon dollar, indi yarıdan da aşağı düşüb. Belə olduqda, məmur maaşlarının ödənişində və aylıq cari xərclərdə də çətinlik olacaq.
Referendumdan öncəki zamanlarda”Rosneft” və digər böyük neft şirkətləri ilə razılaşmalara görə, Kərkük neftini “ön satış” üsulu ilə sataraq, yüklü miqdarda beh alan Bərzanini bu məsələdə də ciddi problem gözləyir. Yəni Bərzani artıq Kərkük neftini əldən verib. İraq höküməti bütün neft sektorlarına özü nəzarət edir.