Son vaxtlar bir şirkətin adı və fəaliyyəti respublikanın müxtəlif mətbu orqanlarında hallanır. Şirkətin haqqında deyilənlərin yaxşı və ya pis mənada hallanması barədə məlumat vermək fikrində deyilik.
Zənnimizcə, bu şirkət haqqında bizim toxunacağımız məsələ də çox ciddi və olduqca vacibdir. Dəfələrlə Fövqəladə Hallar Nazirliyinin Dövlət Yanğın Nəzarəti Xidmətinin bir neçə obyektin müxtəlif səbəblərdən dayandırdığı xəbərlərinin şahidi oluruq. Bu qərarların səbəbi obyektlərdə aparılan yoxlamalar zamanı aşkarlanan yanğın təhlükəsizliyi pozuntularıdır.
Yuxarıda dedyimiz kimi, mətbuatda tez-tez adı çəkilən “Element YT” MMC-də də təhlükə saçan faktlar mövcuddur. Belə ki, şirkətin yanğından mühafizə sistemlərinin quraşdırılması, ilkin odsöndürən balonların tərkibinin dəyişməsi fəaliyyəti ilə məşğul olması qeyd olunub. Sözügedən müəssisənin qeyd olunan lisenziyanın şərtlərinə hansı şəraitdə əməl etməsi böyük şübhələr yaradır.
Yaxşı olar ki, “Element YT” MMC-də qeyd olunan bu nöqsanlarla bağlı yoxlama keçirilsin və aşkar olunan nöqsanlar barədə lazımi ölçü götürülsün. Bu da gələcəkdə baş verə biləcək hər hansı bir faciənin qarşısını almış olar.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
