Ölkəmizi təqribən hay hərbi xuntasındakılar qədər, bəlkə də onlardan da çox “sevən” Rusiya parlamentinin deputatı Konstantin Zatulin dünən “Pravda.ru” ya verdiyi açıqlamada keçmiş SSRİ respublikaları içərisində yalnız Azərbaycanın 1990-ci ildəkindən daha yüksək gösəircilər əldə etdiyini bildirib.

Azərbaycanın nə özünü, nə də müstəqilliyini gözü götürən birisinin Müstəqillik Günümüzdə belə bir etirafda bulunmasında rəmzlik də var, deyilmi? Yeri gəlmişkən, həmən bu tip eyni gündə Ermənistan saytlarından birinə Cenevrə görüşünü şərh edrəkən bildirib ki, Rusiya Dağlıq Qarabağ məsələsində heç vaxt Ermənistanın maraqlarına uyğun gəlməyən addım atmayacaq.

Əslində isə Rusiyanın Dağlıq Qarabağ məsələsində tutduğu mövqe yalnız və yalnız zatulinlərin maraqlarına uyğundur, Ermənistanın deyil. Dağlıq Qarabağdakı ermənilərin isə, heç cür maraqlarına cavab verə bilməz. Çünki elə Zatulinin özünün dediyi kimi əgər SSRİ dağılandan sonra onun tərkibində olmuş respublikalar içərisində o zamankından daha yüksək nəticə əldə edən yeganə dövlət Azərbaycandırsa, onda hazırda Dağlıq Qarabağda yaşayanlar digər vətəndaşlarından fərqli olaraq bunun müsbət təsirini öz üzərlərində hiss etmirlər. Əksinə. Ermənistana gəldikdə, bir sıra ekspertlərinin dediklərinə görə, onların öz ölkələri də, de-fakto Rusiyanın işğalı altındadır. Bu hayların fikridir, lakin indi Ermənistanın keçmiş SSRİ dönəmindəkindən xeyli pis durumda olmasıyla yanaşı, paradoksal da görünsə, o zamandakından daha az müstəqilliyi faktdır. Elə həmən zatulinlərin özləri də onu forpost adlandırmırlarmı? Dağlıq Qarabağdakı uydurma rejimdən isə, belədə heç danışmağa dəyməz.