“AŞPA-da Azərbaycana qarşı qısqırdılanların qrupuna başçılıq edən Frank Şavabenin eyni məqsədlə regiona göndərilən həmyerlisi və həmfikri Markus Ritter bu gün Ermənistanın Təhlükəsizlik Şurasının katibi  Armen Qriqoryana Avropa Birliyinin “mülki” missiyasına yeni qoşulanlar haqda raport verib”. “Olaylar” xəbər verir ki, bunu deyən millət vəkili Sahib Alıyevin sözlərinə görə,  Avropa Birliyi adından guya sülh yaratmaq üçün Ermənistana yeridilən “mülki” missiyanın rəhbəri Ritter görəsən onlarla yanaşı Azərbaycanla şərti sərhədboyunca hay terrorçularının da sayının artırılması arasında bir bağlılıq görürmü:

“Birinci Qarabağ savaşı zamanı torpaqlarımızın işğalında və azərbaycanlılara qarşı aparılan etnik təmizləmədə üzvləri az rol oynamayan “Yerkrapa” terrorçu yığnağının sədri Sasun Mikaelyan Ermənistanın İctimai Televiziyasına verdiyi intervüdə bildirir ki, əgər 2020-ci ildə şərti sərhədə onun 1200 silahdaşı yerləşdirilmişdisə, indi o ünsürlərin sayı 10 mini keçir. Guya regionda sülh yaratmaq üçün Avropa Birliyi adından Ermənistana göndərilən “mülkü” missiya isə nədənsə bunu görməzdən gəlir. Bəlkə, hətta onlarla birgə xidmət də aparırlar”.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP