Ölkəmizdə II Azərbaycan Milli Şəhərsalma Forumu keçiriləcək
Azərbaycan Respublikası Dövlət Şəhərsalma və Arxitektura Komitəsi ilə BMT-nin Məskunlaşma Proqramının birgə təşkilatçılığı ilə sentyabrın 29-dan oktyabrın 1-dək ölkəmizdə II Azərbaycan Milli Şəhərsalma Forumu keçiriləcək. Tədbir işğaldan azad edilmiş Zəngilanda və paytaxt Bakıda “Şəhərsalma həftəsi” çərçivəsində reallaşacaq.
Komitənin mətbuat xidmətindən bildirilib ki, dünyanın müxtəlif ölkələrindən dövlət rəsmiləri, yerli və xarici mütəxəssislərin bir araya gələcəyi üç günlük forumda “Dayanıqlı şəhərlər iqtisadi inkişafın və bərabərsizliklə mübarizənin aparıcı qüvvəsi rolunda” mövzusuna dair inklüziv, ağıllı və dayanıqlı urbanizasiyaya əsaslanan təcrübə və yeni yanaşmalar, beynəlxalq əməkdaşlıq imkanları müzakirə ediləcək.
Həmçinin forum müddətində Türk Dövlətləri Təşkilatının nazirlərinin dayanıqlı inkişaf məqsədlərinə nail olmaq üçün regional çağırışlar istiqamətində toplantıları keçiriləcək.
II Azərbaycan Milli Şəhərsalma Forumunda iştirak etmək istəyənlər nufa.az saytının müvafiq bölməsinə daxil olaraq qeydiyyatdan keçə bilərlər. Qeydiyyat sentyabrın 25-də başa çatacaq.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP