2023-cü ilin ən yaxşı kameraya sahib olan telefonu
2023-cü il üçün ən yaxşı kameraya malik smartfonların reytinqi tərtib edilib.
Siyahıya “Google”, “Samsung”, “Apple”, “Sony” və “OnePlus” brendlərinin modelləri daxildir.
2023-cü ildə smartfon kameraları DSLR-lər qədər yaxşıdır. “Digital Camera World” portalının mütəxəssisləri son illərdə buraxılmış bir sıra mobil telefonları sınaqdan keçirərək istənilən büdcə üçün ən optimal 10 variantı seçiblər.
“Google Pixel 7 Pro” bazarda ən yaxşı qiymətə malik kameralı telefon hesab olunub. “DxOMark” reytinqdə altıncı yeri tutur, lakin rəqiblərindən xeyli ucuzdur. Qurğu 10,8 meqapiksellik selfi kamerası və əsas sensor və telefoto üçün optik stabilizasiyaya malik 50+48+12 meqapiksellik üç moduldan ibarət blokla təchiz edilib.
“Samsung Galaxy S23 Ultra” bazarda ən premium kameralı telefon seçilib. Bu telefonda kamera baxımından şikayət ediləcək demək olar heç nə yoxdur. 200 meqapiksellik əsas kamera 12 meqapiksellik eni və hər biri 10 meqapiksellik bir cüt telefoto linza ilə tamamlanaraq 10x optik və 100x rəqəmsal böyütmə təmin edir. 12 meqapiksellik selfi kamerası isə əksər hallarda yüksək keyfiyyətli şəkillər yaradır.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP