“Araz-Naxçıvan” futbol klubunun prezidenti açıqlanıb
2023-2024-cü illər mövsümündə Azərbaycan Premyer Liqasında iştirak edəcək “Araz-Naxçıvan” futbol klubunun ümumi yığıncağı keçirilib.
Kluba istinadla bildirilir ki, toplantıda klubun yeni təsisçiləri – Azərbaycan Futbol Federasiyaları Assosiasiyası (50 faiz) və Naxçıvan Muxtar Respublikası Həmkarlar İttifaqları Şurası (50 faiz) barədə məlumat verilib.
Eyni zamanda, iclas zamanı klubun yeni prezidenti və Müşahidə Şurasının sədri vəzifələrinə seçkilər keçirilib. İdarə Heyəti və Müşahidə Şurasının tərkibi formalaşdırılıb. Ramin Axundov “Araz-Naxçıvan Peşəkar Futbol Klubu” İctimai Birliyinin prezidenti, Vüqar Abbasov isə Müşahidə Şurasının sədri seçiliblər.
Qeyd edək ki, R.Axundov 2008-ci ildən “Araz-Naxçıvan” futzal klubunun prezidentidir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP