“Okean PUB” restoranı Bakı şəhəri, Nərimanov rayonu, Yusif Vəzir Çəmənzəminli küçəsi, 100 ünvanda yerləşir. İlk baxışda adi restorandır və görüntü olaraq, digər restoranlardan heç nə ilə fərqlənmir. Restorana gələn müştərilərə göstərilən xidmət, təklif olunan təamlar keyfiyyətli və normal ola bilər. Qidaların təhlükəsizliyi qoyulan normalara cavab verə bilər. Lakin bu restoranda heç də bütün norma və qaydaların yerində olmasına dəlalət etmir.
Təhlükəsizlik qaydaları dedikdə, ilk ağıla gələn yanğın zamanı görülən təxirəsalınmaz tədbirlərdir. Bunun üçün obyektlərdə bütün lazımi təchizat qurğuları olmalı və vacibdir.
“Okean PUB” restoran yanğınsöndürən balonlarla tam təmin olunmayıb. Həmçinin obyekt avtomatik yanğın xəbərverici qurğularla tam təchiz edilməyib. Burada elektrik təsərrüfatına profilaktiki baxış keçirilməyib, taxta konstruksiyaları oda davamlı məhlulla hopdurulmayıb. Hazırda obyektdə propan tipli qaz balonundan istifadə edilir.
Şəkillərdən də göründüyü kimi, obyekt yaşayış binasının yaxınlığında yerləşir. Sadalanan çatışmazlıqlar təkcə restorana gələn müştərilərin, orada çalışan işçi heyətinin deyil, həm də bina sakinlərin həyatına təhlükə yaradır.
İradlarımızı əlaqədar orqanlara çatdırmağı özümüzə borc bildik. Məqsədimiz bu kimi obyekt sahiblərinin cavabdehlik daşıdıqlarını bir daha önə çəkməkdir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
