Evlərdən külli miqdarda oğurluq edən qadınlar tutuldu
Binəqədi rayonu ərazisindəki evlərin birindən 3000 manat pul oğurlanıb.
Daxili İşlər Nazirliyi xəbər verir ki, rayon Polis İdarəsi 43-cü Polis Bölməsi əməkdaşlarının keçirdikləri əməliyyat tədbiri nəticəsində oğurluqda şübhəli bilinən Bakı şəhər sakini R.Mirzəyeva saxlanılıb.
Lənkəran rayonu, Sütəmurdov kəndindəki evlərin birindən isə 15.000 manat dəyərində qızıl-zinət əşyaları oğurlanıb. Rayon Polis Şöbəsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən şəhər sakini S.Rəhimova saxlanılıb.
Hər bir faktla bağlı araşdırma aparılır.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP