BMT Baş Assambleyasının Prezidenti Azərbaycana təşəkkür edib
Qoşulmama Hərəkatının Gənclər Şəbəkəsinin yaradılmasını təqdir edirəm. Gəlin gənclər platformasını gücləndirək, hamı üçün inkluziv və layiqli həyat üçün zəmin yaradaq.
Bunu Bakıda keçirilən Qoşulmama Hərəkatının Gənclər Sammitinin açılış mərasimində iştirakçılara ünvanladığı çıxışında BMT Baş Assambleyasının Prezidenti Abdulla Şahid deyib.
O, sammitin təşkilinə görə Azərbaycana təşəkkürünü bildirib.
Gənclərin qlobal dayanıqlılığın inkişafına töhvə verdiyini diqqətə çatdıran A.Şahid postpandemiya dövründəki bərpada gənclərin aktiv fəaliyyətinə ümid etdiyi bildirib.
O əlavə edib ki, Qoşulmama Hərəkatı dünyanın müxtəlif nöqtələrindən olan gənclər üçün iştirak və mədəni mübadilə istiqamətində platforma təklif edir və bu vacibdir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP