“Bitcoin” bir neçə dəfə bahalaşacaq? – Kriptovalyutanın qiyməti ilə bağlı iddia

İnvestor, milyarder Mike Novogratz iddia edir ki, ən bahalı kriptovalyuta olan “Bitcoin”in dəyəri gələcəkdə 500 min dollara qədər yüksələcək.

İnvestor kriptovalyuta bazarında son aylarda yaşanan ucuzlaşmanın müvəqqəti olduğuna inanır. Onun fikrincə, mövcud vəziyyət “tam hüquqlu kredit böhranı”dır. Kriptovalyutanın çöküşünü maliyyə böhranında “Lehman Brothers”in çöküşü ilə müqayisə edən Novogratz bu sektorda daha çox şəffaflığa ehtiyac olduğunu deyib:

“”Bitcoin” 500 min dollar olacaq. Kripto bazarında ən pis dövr sona çatıb. Mövcud problemlər pərakəndə investorlar arasında inamsızlığı artırsa da, “Bitcoin” faktoru güclü olaraq qalır. Dünyanın ən güclü kriptovalyutası hökmən yenidən dəyər qazanacaq”.

Xatırladaq ki, “Bitcoin”in dəyəri hazırda 20-22 min dollar aralığında dəyişir. Amma bir neçə ay öncə bu kriptovalyuta 60-64 min dollar satılırdı.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin:    0 55 4 61 71 21 WHATSAPP