“Lex”in “Qarabağ”la oyun üçün səfər proqramı
UEFA Çempionlar Liqasının birinci təsnifat mərhələsinin cavab oyununda Ağdamın “Qarabağ” klubu ilə Bakıda qarşılaşacaq Polşanın “Lex” komandasının səfər proqramı məlum olub.
Polşa klubu iyulun 11-də səhər saatlarında Poznan şəhərindən paytaxtımıza birbaşa çarter reysi ilə gələcək. “Lex” Bakıya çatmaq üçün 4,5 saat yol qət edəcək. Komanda oyundan dərhal sonra Bakıdan ayrılacaq.
Qeyd edək ki, iyulun 12-də Tofiq Bəhramov adına Respublika Stadionunda keçiriləcək “Qarabağ” – “Lex” matçı saat 20:00-da başlayacaq. Bu komandalar arasındakı ilk oyun “Lex”in 1:0 hesablı qələbəsi ilə başa çatıb.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP