Amerikalı astronomlar Süd Yolu qalaktikasının ən sürətli kosmik obyektlərindən birini kəşf ediblər.
Kəşf edilmiş kosmik obyekt saatda 2.2 milyon km sürətlə hərəkət edir. Sözügedən obyekt supernova partlayşı nəticəsində yaranıb və o, Süd Yolu qalaktikasının sərhədlərindən kənara çıxa bilər. Yüksək kütləli ulduzlar öz həyat dövrlərini əsasən supernova partlayışı ilə yekunlaşdırırlar. Bu hadisədən sonra kosmosda kosmik dumanlıq şəklində supernova qalıqları qalır. Lakin partlamış ulduzun nüvəsi nəticədə ya çox sıx və kiçik neytron ulduzuna ya da qara dəliyə çevrilə bilər. Əgər supernova partlayışı müəyyən şəkildə baş veribsə, bu halda çoxlu miqdarda enerji yaranır və həmin enerji neytron ulduzunun kosmosda yüksək sürətlə hərəkət etməsinə gətirib çıxarda bilər.
Lakin verilmiş məlumata əsasən bu obyekt Süd Yolu qalaktikasının ən sürətli obyekti deyil. Süd Yolu qalaktikasının ən yüksək sürətlə hərəkət edən ulduzu qalaktikanın mərkəzində yelrəşən yüksək kütləli qara dəlik ətrafında fırlanan ulduzdur. Belə ki, o, saniyədə 24.000 km sürətlə hərəkət edir. Alimlər belə qənaətə gəliblər ki, kəşf edilmiş yeni kosmik obyekt bu cür yüksək sürəti müəyyən supernova partlayışı hesabına əldə edib. Alimlər müəyyən müddətdən sonra pulsarın hərəkət sürətinin düşəcəyini söyləsələr də, onlar güman edirlər ki, hal hazırda onun sürəti saatda 2.2 milyon km-dən yüksək ola bilər. Müqayisə üçün qeyd etmək lazımdır ki, Yer kürəsi Günəş ətrafında saatda 107.000 km sürətlə hərəkət edir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
