Qadın sürücü “Hummer”lə həkimi vurdu – FOTO

Bakının Xəzər rayonunda yol-nəqliyyat hadisəsi baş verib.

Xasməmmədova Elvina Vidadi qızı Buzovna qəsəbəsinin Naxçıvanski küçəsində idarə etdiyi “Hummer” markalı avtomobillə yolu keçmək istəyən 49 yaşlı Məmmədzadə Gülnarə Siyavuş qızını vurub.

Zərbənin təsirindən G. Məmmədzadə ağır xəsarətlər alıb. O, sürücünün çağırdığı təcili tibbi yardım avtomobili ilə xəstəxanaya çatdırılıb. Həkimlər onun vəziyyətini orta-ağır kimi qiymətləndirib. Hadisə yerində olan polis əməkdaşları sürücünün ifadəsini alıblar. Avtomobil cərimə meydançasına aparılıb.

Yaralı piyada G.Məmmədzadə özəl klinikaların birində həkim işləyir.

Faktla əlaqədar araşdırmalar aparılır.