Roman müsabiqəsi elan edilib
Yeni ədəbi roman müsabiqəsi elan edilib. Gənc yazıçılara dəstək məqsədilə TEAS Press nəşriyyat evi tərəfindən təşkil olunan müsabiqəyə hər müəllif tərəfindən yalnız bir əsər təqdim edilə bilər. Əsərlər Azərbaycan dilində, roman janrında yazılmalı və müəyyən olunmuş meyarlara cavab vermək şərti ilə indiyədək heç yerdə çap olunmamalıdır.
İyunun 3-də keçirilən təqdimatda müsabiqənin şərtləri açıqlanıb. Təşkilatçılar müsabiqənin keçirməlisində əsas məqsədin ədəbi mühitin inkişafına təkan vermək və yeni imzaların üzə çıxmasına şərait yaratmaq, eləcə də yeni əsərlərin yazılmasını təşviq etməkdən ibarət olduğunu bildiriblər. Əsas hədəflərdən biri də ölkəmizdə milli ədəbiyyatın zənginləşdirilməsindən və ümumbəşəri dəyərləri təbliğ edən mövzuların roman janrı vasitəsilə oxuculara çatdırılmasından ibarət olduğu qeyd edilib.
Müsabiqənin şərtlərinı görə iştirakçıların yaş həddi 18-35 arasında olmalıdır, əsərlərin müsabiqəyə qəbulu iyunun 3-dən başlayaraq, avqustun 31-nə qədər davam edəcək, hər müəllif müsabiqəyə Azərbaycan dilində yazılmış, heç bir çap və media orqanında yayımlanmayan bir roman təqdim edə bilər.
Müsabiqə üç mərhələdə keçiriləcək.
Birinci yerin sahibinə 2 min manat pul mükafatı veriləcək və həmin əsər bu müsabiqəni təşkil edən nəşriyyat evi tərəfindən çap olunacaq, ikinci yerin sahibinə 1500, üçüncü yerin sahibinə isə 1000 manat pul mükafatı təqdim olunacaq.
Müsabiqədə iştirak etmək istəyənlər əsərlərini bu elektron ünvana – musabiqe@teaspress.az göndərə bilərlər.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP