Türkiyə ölkəyə giriş üçün PCR testi ləğv etdi
Türkiyə hökuməti pandemiya ilə mübarizə tədbirləri çərçivəsində tətbiq edilən PCR testinin və ya antigen testinin nəticəsinin ölkəyə daxil olarkən təqdim edilməsi barədə tələbi ləğv edib.
Bu barədə Türkiyə Daxili İşlər Nazirliyinin məlumatında bildirilib.
“İyunun 1-dən ölkəyə daxil olmaq üçün bütün sərhəd məntəqələrində girişə maksimum 72 saat qalmış təqdim edilməli olan PCR testinin mənfi nəticəsi olan sertifikatların tələbi ləğv olunur”,- deyə məlumatda qeyd olunub.
Həmçinin girişdən sonra maksimum 48 saat ərzində aparılan mənfi antigen testinin tələbi də bu gündən ləğv olunur.
Nazirliyin məlumatında qeyd olunub ki, COVID-19 pandemiyasının yayılmasını nəzarətdə saxlamaq üçün ölkədə olduğu kimi, sərhəd qapılarında da tətbiq olunacaq qaydalar və tədbirlər virusun dinamikasına uyğun görülüb.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP