Medistyle klinikası təhlükəsizlik qaydalarını pozur

“MediaZona.az”-ın redaksiyasına şəhər sakinlərindən bir neçə şikayət daxil olub. İlk növbədə onlardan ən vacibi haqqında xəbər verməyi qərara aldıq.

Belə ki, Bakı şəhəri Nərimanov rayonu, A.Aqarunov küçəsi 16 ünvanda yerləşən Medistyle klinikasında təhlükəsizlik tələbləri kobud şəkildə pozulub. Klinikanın 1-ci mərtəbəsində təhlükəsizlik qaydalarına riayət olunmayaraq,  normadan artıq oksigen balonları saxlanılır. 5-ci mərtəbəsində yerləşən mətbəxdə isə, propan tipli qaz balonundan istifadə edilir.

Həmçinin klinika ilkin yanğınsöndürmə vasitələri ilə də təmin olunmayıb. Bu çatışmazlıqlar hər hansı bir yanğın zamanı ciddi problem yarada bilər. Bütün bunlar klinikaya gələn xəstələrin və orada çalışan tibb işçilərinin səhhəti üçün təhlükədir. Əlaqədar təşkilatlar sadalanan çatışmazlıqlara göz yummamalı, lazımi ölçü götürməlidirlər.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin:    0 55 4 61 71 21 WHATSAPP