Mixail Delyagin haqqında cinayət işi açıldı
Azərbaycan Respublikası Baş Prokurorluğu Rusiya Federasiyası Dövlət Dumasının deputatı, Dumanın İqtisadi siyasət üzrə komitəsinin sədr müavini Mixail Delyagin haqqında araşdırma aparıb.
Araşdırmanın nəticəsi olaraq, Azərbaycan Respublikası Cinayət Məcəlləsinin 101.2, 214.2.3, 283.2.1 və 283.2.2-ci maddələri ilə haqqında cinayət işi açılıb, özü isə İNTERPOL vasitəsilə beynəlxalq axtarışa verilib.
Xatərladaq ki, Mixail Delyagin 2022-ci il 28 mart tarixində Rusiya Federasiyasının “Rossiya 1” telekanalında yayımlanan verilişdə Azərbaycan Respublikasına qarşı təcavüzkar müharibəni başlamağa açıq çağırışlar edərək, ölkəmizin enerji infrastrukturu və neft sənayesinin məhv edilməsi üçün taktiki nüvə silahından istifadə olunması barədə təxribat xarakterli çıxış edərək, sosial media platformasında bu barədə kütləvi sorğu keçirib.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
