Pandemiyanın ağır nəticələri qonşu ölkələrə quru yol vasitəsilə gediş-gəlişi də iflic edib. Quru yollarının hələ də bağıı olması, təyyarə biletlərinin kosmik dərəcədə baha olması səbəbindən əhalinin kasıb təbəqəsinin vacib ünvanlara gedişi əsl problemə çevrilib.
Milli Məclisin deputatı Fazil Mustafa özünün Feysbuk hesabında bu problemdən yazıb:
“İndicə Mahaçqalada qiyabi təhsil alan bir tələbə zəng etmişdi. Hönkür-hönkür ağlayırdı. 40 gündür universitetdə dərs üçün gedib, indi geri dönməyə yol yoxdur. Deyir hökumətimiz öz ölkəmizə quru sərhədimiz bağlı olduğuna görə buraxmır. Ümidimiz sizədir, yuxarılara vəziyyətimizi çatdırın”.
Millət vəkili daha sonra problemin həlli üçün məmurlaqra müraciət edib:
“Minlərlə bu cür acınacaqlı durumda qalan Azərbaycan vətəndaşı var Dərbənddə, Mahaçqalada, Gürcüstanda…Kimə başa salasan, kimə anladasan. Səfirliyimiz problemi çözməyə acizdir. Ay məmurlar, cəhənnəm olsun pandemiya, zillət içində qalan odun deyil e, Azərbaycan vətəndaşıdır! Təcili açın qapıları öz vətənlərinə dönsünlər. Təminat verirəm, heç bir xəstəlik-filan artmayacaq. Ac-yalavac nə qədər yad ölkədə çöllərdə qalacaqlar, aşağılanacaqlar!”, – deyə millət vəkili bildirib.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
