İlkin ehtimallara görə, Rusiya sülhməramlı kontingentinin hərbi qulluqçularının bir hissəsi Gümrüdəki 102-ci hərbi bazaya yerləşdiriləcək. Bu hərbi bazadakı hərbçilər isə, öz növbəsində Rusiya ordusuna kömək etmək məqsədilə Ukraynaya göndəriləcək.

Bu xəbərin doğru olub-olmaması haqda məlumatı dəqiqləçdirmək üçün ehtiyatda olan zabit, hərbi ekspert Ədalət Verdiyev öz fikirlərini bizimlə bölüşdü. Onun bildirdiyinə görə, “Rusiya sülhməramlılarının Qarabağda müvəqqəti yerləşdirilməsi birgə bəyanatın şərtlərinə uyğun olaraq həyata keçirilmişdi və onlaın (red: sülhməramlıların)  üç il yarımdan sonra tərəflərin birinin razılığı olmadığı təqdirdə  bu ərazilərdən çıxması nəzərdə tutulurdu. Hazırda sülhməramlı kontintingentin bir hissəsi texnika ilə bərabər Laçın  dəhliindən keçməklə Azərbaycan ərazilərini tərk edir. Onsuzda sülhməramlıların fəaliyyətindən Azərbaycan tərəfi son günlərdə qətiyyən məmnun deyildi. Xüsusilə də atəşkəsin kifayət qədər intensiv şəkildə pozulmasından sonra general Volkovun öz vəzifələrini tam həcmdə yerinə yetirə bilməməsinə dair çoxlu şübhələr mövcuddur. Bu kontingentin indi çıxarılması əslində Azərbaycanın da maraqlarına cavab verir. Çünki Azərbaycan Ordusunun öz sülhməramlı fəaliyyətini Qarabağda yetərincə geniş miqyasda və keyfiyyətli şəkildə yerinə yetirdiyinə dair çoxlu sənədlər var. Azərbaycan olaraq biz də bu kontingentin yenidən geri qayıtmaması, yəni rotasiya qaydasında onların əvəzlənməməsi üçün əlimizdən gələni etməliyik”.