Qida Təhlükəsizliyi Agentliyi ölkə ərazisində qanunvericiliyin tələbləri çərçivəsində qida təhlükəsizliyinin təmin edilməsi və istehlakçı hüquqlarının müdafiəsi sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən verilən məlumata görə, Gəncə şəhərinin Yeni Gəncə qəsəbəsi, Mir Cəlal Paşayev küçəsində vəzifəli şəxs Məsləhi Orxan Həsənağa oğlunun istifadəsində olan “Əminə” marketdə keçirilən yoxlama zamanı mənşəyi məlum olmayan “nehrə yağı”, pendir və turşu məhsullarının satışa çıxarıldığı aşkar olunub.
Baxış zamanı marketin anbarında sanitariya norma və qaydalarının, gigiyena normativlərinin, mal qonşuluğu prinsipinin kobud şəkildə pozulduğu müəyyən edilib. Faktla bağlı qanunvericiliyə uyğun olaraq sahibkar barəsində inzibati protokol tərtib edilib, mənşəyi məlum olmayan məhsulların satışının qarşısı alınıb.
Araşdırmalar davam etdirilir.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP






