“Azİz”in nümayəndə heyəti Tbilisidə səfərdə olub

İsraildə fəaliyyət göstərən “Azİz” İsrail–Azərbaycan Beynəlxalq Assosiasiyasının rəhbərliyi Tbilisi şəhərinə səfər edib.

Tədbirlər zamanı “Azİz” İsrail–Azərbaycan Beynəlxalq Assosiasiyasının prezidenti Lev Spivak və Azərbaycan Mədəniyyət Mərkəzinin direktoru Yeganə Salman Azərbaycanın Gürcüstandakı səfirliyinin, SOCAR-ın Gürcüstandakı nümayəndəliyinin əməkdaşları ilə birlikdə dahi siyasətçi və görkəmli dövlət xadimi Heydər Əliyevin, Azərbaycan Demokratik Respublikasının qurucuları Həsən bəy Ağayev və Fətəli xan Xoyskinin abidələrini ziyarət ediblər. L.Spivak bildirib ki, bu, çox rəmzi məna daşıyır, çünki 28 may 1918-ci il tarixində ADR-in yaradılması məhz Tbilisi şəhərindən elan edilib. “Bu gün həyatımın ən yaxşı günlərindən biridir”, – deyə o, əlavə edib.

“Azİz” rəhbərliyi M.F.Axundov adına Azərbaycan Mədəniyyəti Muzeyini ziyarət edib, Marneuli rayonunda Azərbaycan və Gürcüstanın Respublika günlərinə həsr edilmiş kikboksinq turnirində iştirak edib. Tədbirə yerli bələdiyyənin sədri, şəhər şurasının üzvləri və Gürcüstan parlamentinin üzvləri qatılıblar. Qaliblərin mükafatlandırma mərasimindən sonra Azərbaycan və Gürcüstan sənətçilərinin iştirakı ilə konsert keçirilib.

“Azİz” rəhbərliyi Azərbaycanın Gürcüstandakı səfirliyinin Respublika günü münasibətilə təşkil etdiyi tədbirləri yüksək qiymətləndirib və səfərin təşkilinə görə minnətdarlığını bildirib.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP