Bu sözləri millət vəkili Sahib Alıyev söyləyib. Onun fikrincə: “Makron növbəti açıq haypərəst açıqlamasıyla ölkəsinin Minsk qrupuna həmsədrlik etmək haqqının qətiyyən çatmamasıyla bağlı mövcud rəyi daha da möhkəmlətdi. İslanmışın yağışdan nə qorxusu məntiqindən çıxış etsək, elə düşünmək olar ki, burada Fransa nə itirəcək. Amma itirəcək və bu, ən azından Azərbaycanla gələcək əməkdaşlıqda özünü göstərəcək.

Fransanın Ermənistandan faydalanmaqla regionda müstəqil oyunçu kimi çıxış etməsi də mümkünsüzdür. İlk növbədə o səbəbdən ki, forpost yiyəsiz deyil, ikincisi, rəsmi Parisin Qafqazda möhkəmlənməsi üçün nə yetərincə sərt, nə də yumşaq güc potensialı var. Hətta olsa idi belə, Yaxın Şərqdə, Aralıq dənizi regionda baş verənlər göstərdi ki, o potensialdan qətiyyətlə və rasional şəkildə faydalana biləcək rəhbər, elə həm də elita yoxdur. Və əgər Fransa burada Ermənistanı dəstək məsələsində sözdən hərəkətə keçmək istəsə, onda burnundan vuruluacaq, həm də Aralıq dənzi regionunda olduğundan daha pis vurulacaq.

Düşünürəm ki, Paşinyan da bunun yaxşı fərqindədir və açığı onun Makronla görüşündə daha çox bizim əleyhimizə fikirlər səslənsə də, əslində Azərbaycan-Ermənistan sərhəddində baş verənlərələ bağlı qaldırılan səs-küy kimi bu səfər də ilk növbədə Rusiyaya qarşı demarş xarakteri daşıyır”.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP