Ter-Petrosyandan vətəndaş müharibəsi ilə bağlı XƏBƏRDARLIQ

“Ermənistanda daxili siyasi vəziyyət partlayış təhlükəsi həddindədir. Vəziyyət, demək olar ki, vətəndaş müharibəsi təhlükəsi yaradır”.

Olaylar.az xəbər verir ki, bunu Ermənistanın birinci prezidenti Levon Ter-Petrosyan ölkənin İctimai Televiziyasına müsahibəsində deyib.

Onun sözlərinə görə, Baş nazir vəzifəsini icra edən Nikol Paşinyan və sabiq prezident Robert Koçaryanın tərəfdarları arasında kəskin antaqonizm mövcuddur:

“Bu düşmənçilik dayandırılmasa, nələr olacağını təsəvvür etmək dəhşətlidir. Hər iki tərəf ölüm-qalım məsələsini həll edir”.

“Parlament idarəetmə sistemi Ermənistanı məhvə aparır. Mütləq prezident idarəçilik sisteminə qayıtmaq lazımdır. Parlament sisteminə keçid Serj Sarkisyanın ən böyük səhvi idi. Bu qərar onun öz başına bəla oldu”.

Levon Ter-Petrosyan Ermənistanı olduqca ağır günlərin gözlədiyini deyib.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP