Azərbaycan tarixən müxtəlif mədəniyyətlərin, sivilizasiyaların, dinlərin qovuşduğu məkan olmasına baxmayaraq heç vaxt ölkəmizdə dini zəmində qarşıdurma olmayıb. Hazırki qloballaşma ilə bağlı çağırışların vüsət aldığı dövrümüzdə ata-babalarımızdan miras qalmış bu adət-ənənənin qorunub saxlanılması bizdən xüsusi mənəvi məsuliyyət tələb edir. Elə bu səbədən də Azərbaycanda dövlət səviyyəsində dinə xüsusi diqqət göstərilir, dinrdarların sərbəst fəaliyyəti üçün hər cür imkanlar yaradılır. Ölkəmizdə din dövlətdən ayrı olsa da, dövlət daim bu sahəyə dəstək göstərir. Məhz bu səbədəndir ki, Azərbaycanda dövlət-din əlaqələri, dinlərarası əlaqələr sağlam zəmin üzərində qurulub ki, bu da dövlət siyasətinin əsas prioritet istiqamətlərindən biridir. Təsadüfi deyil ki, ölkəmizin demək olar ki, bütün bölgələrində, hər bir rayonunda məscidlər inşa olunur və ya bərpa edilir. Bütün bunlar bir daha göstərir ki, dövlət siyasətində tarixi keçmişimizin unudulmaması, gələcək nəsillərin milli-mənəvi dəyərlərə daha çox bağlanması mühüm yer tutur. Həmçinin ölkəmizdə inanc azadlığı bərqərar olmuşdur. Vətəndaşların vicdan azadlığı Konstitutsiyamızda əksini tapıb və Azərbaycan Respublikasının “Dini etiqad azadlığı haqqında” Qanununda geniş şəkildə təsbit olunub. Qalır din xadimlərinin dövlətin həyata keçirdiyi tədbirlərə adekvat cavab olaraq ölkədə sabitlik, əmin-amanlığın bərpa olunması üçün nümunəyə çevrilməsi. Yəni, din xadimləri öz əməllərə və davranışları ilə cəmiyyətdə nümunə olmalı, dostluq, qardaşlığı, Tanrının yaratdığı insana hörmət və ehtiram hisslərini aşımalı, eyni zamanda ölkədə dini tolerantlığın bərqərar olmasına hər cür dəstək göstərməlidirlər. Bunu həm din xadimlərinin daşıdıqları dini cərəyanların ideologiyası, həm də dövlət və cəmiyyət qarşısındakı mənəvi borcları tələb edir. Nəzərə almaq lazımdır ki, din insanların şüuruna və cəmiyyətə təsir göstərmək baxımından olduqca güclü vasitədir. Elə bu səbədən də cəmiyyətdə insanları vəhdətə, qarşılıqlı hörmət şəraitində yaşamağa çağırəşlar din xadimlərinin vəzifəsi hesab olunur. Çox təəssüf ki, günümüzdə bəzi din xadmiləri nəinki müxtəlif siyasi oyunların alətinə çevrilir, hətta o qədər mənəviyyatsızlaşıblar ki, öz ehtirazslarını cilovlaya bilməyərək insan qatilinə çevrilirlər. Xüsusən, harınlamış “bozbaş mollalar” insanlar arasında dini maarifləndirmə işi aparmaq əvəzinə, dinə heç bir aidiyyatı olmayan əməlləri ilə vətəndaşların heysiyyatı olə oynayırlar. Bu günlərdə Lerik rayonunda kənd mollasının törətdiqi qətl hadisəsi hələ də nadürüst din xadimlərinin varlığını gündəmə gətirir. Bu isə o anlama gəlir ki, hələ də insanlar cəmiyyətdə yalançı nüfuza sahib olan mollaların girovun çavriliblər.

Xatırladaq ki, aprelin 28-də axşam saatlarında Lerik rayonun Barzavu kəndində yaşayan 1981-ci il təvəllüdlü Zəkifə Feyruz qızı Fərziyevanın yaşadığı evində üzərində xəsarət izləri olan meyiti tapılıb. Məlumata görə, qətli törədən şəxsin kənd mollası olduğu bildirilir.  Belə ki, dəhşətli cinayəti həmin kənddə yaşayan və mərhum Z. Fərziyevanın qonşusu, Lerikin tanınmış din xadimlərindən biri Murad Əsgərov adlı şəxs törədib. Məlumatda bildirilib ki, molla Murad Əsgərov qonşuluqda yaşayan Z.Fərziyevanın evdə tək olduğunu bilərək gizli şəkildə mənzilə girib və qadına qarşı əxlaqsız hərəkətlər etməyə başlayıb. 3 uşaq anası olan Z.Fərziyeva qışqırmağa başlayıb və “evə oğru girib” deyərək qonşularını köməyə çağırıb. Qadının qışqırdığını görən M.Əsgərov cibində gəzdirdiyi bıçaqla Z.Fərziyevanın boğazını kəsərək, onu amansızlıqla qətlə yetirib. M.Əsgərov ötən gün polis tərəfindən saxlanılıb. Faktla bağlı Lerik rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Onu da qeyd edək ki, qətlə yetirilən Z.Fərziyevanın yoldaşı Rusiyaya işləməyə gedib, bir oğlu isə Vətən Müharibəsinin iştirakçısıdır və hazırda Şuşada hərbi xidmətdədir.

İndi təsəvvür edin, kənd sakinləri bu vaxta qədər necə əclaf bir din xadiminin xidmətlərindən yararlanıblar. Əslində din pərdəsi altında gizlənələrək çirkin niyyətlərini reallaşdırmağa çalışan saxta mollaların sayı kifayət qədərdir. Dəfələrlə belə saxta mollaların azyaşlı qızlar üçün kəbin kəsməsi, bununla kifayətlənməyərək azyaşlı qız və oğlanlara təcavüz etmələri  barədə məlumatlar yayılıb. Hətta  özlərini cəmiyyətdə “uşaqbaz” kimi tanıdan din xadimləri barədə də eşitmişik. “Molla” Murad Əsgərov isə mənəviyyatını o qədər itirib ki, hətta Vətən Müharibəsi iştirakçısının anasına təcavüz etmək niyyətinə düşüb. Gizli şəkildə evə daxil olmaq, qonşu arvadına qarşı əxlaqsız hərəkətlər etmək yalnız Murad kimi vicdansız insanların beynindən keçə bilər. Cızma-qara edərək dua yazmaq, cadu-piti edərək insanların evini yıxmaq, azyaşlı qızları “ərə vermək” peşəsi olan saxta mollalardan hansısa əxlaq nümunəsi gözləmək qeyri-mümkündür. Cəmiyyətin qara yarasına çevrilmiş bu tipli mollalar ifşa olunaraq layiqli cəzalarını almalıdırlar ki, digərlərinə dərs olsun. Əks halda din pərdəsi altında cəmiyyətdə əxlaqsızlıq yayan, insanların heysiyyatını təhqir edən, ərsiz, dul qadınların namusuna sataşan mollalar üçün geniş meydan açılmış olar.

Alim  

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP